புத்தளம் ஹோட்டல் முகாமைத்துவ சர்வதேச கல்வி நிலையத்தின் (IAHM) கௌரவிப்பு நிகழ்வு.

புத்தளம் எம்.யூ.எம்.சனூன், கற்பிட்டி எம்.எச்.எம்.சியாஜ்

புத்தளம் ஹோட்டல் முகாமைத்துவ சர்வதேச  கல்வி நிலையத்தின் (IAHM) முதலாவது வருட கௌரவிப்பு நிகழ்வுகள் புத்தளம் பிரதேச செயலகத்தின் சுபாஷி மண்டபத்தில் வெள்ளிக்கிழமை (27) காலை 09 மணிக்கு இடம்பெறவுள்ளது.

ஹோட்டல் முகாமைத்துவ கல்வி நிலையத்தின் பிரதம நிறைவேற்று பணிப்பாளர் ஏ.ஜீ.சாஹிக் தலைமையில் நடைபெறவுள்ள இந்நிகழ்வில் பிரதம அதிதியாக புத்தளம் பிரதேச செயலாளர் சம்பத் வீரசேகர கலந்து சிறப்பிக்கவுள்ளார்.

இந்த கல்வி நிலையத்தில் அடிப்படை நிலை சர்வதேச சமையல் பாடநெறியை நிறைவு செய்த முதல் தொகுதி மற்றும் இரண்டாம் தொகுதி மாணவர்கள் இதன் போது சான்றிதழ்கள் வழங்கி கௌரவிக்கப்படவுள்ளனர்.

முதல் தொகுதியில் 08 மாணவர்களும், இரண்டாம் தொகுதியில் 15 மாணவர்களுமாக மொத்தம் 23 மாணவர்கள் இதன் போது தமக்கான சான்றிதழ்களையும் கௌரவத்தையும் பெற்றுக்கொள்ளவுள்ளனர்.

புத்தளம் பிரதேசத்தின் மாணவர்களுக்கு சர்வதேச அங்கீகாரங்களை பெற்றுக்கொடுக்க வேண்டும் என்ற நன்நோக்கில் "புத்தளம் ஹோட்டல் முகாமைத்துவ சர்வதேச கல்வி நிலையம் (IAHM) அதன் பிரதம நிறைவேற்று பணிப்பாளர் ஏ.ஜீ.சாஹிக் அவர்களினால் ஸ்தாபிக்கப்பட்டமை குறிப்பிடத்தக்கது.

புத்தளம் பிரதேசத்தின் குறிப்பாக கற்பிட்டி பிரதேச பாடசாலைகளின் மாணவர்கள் மத்தியில் புத்தளம் ஹோட்டல் முகாமைத்துவ சர்வதேச கல்வி நிலையத்தின் மூலமாக அண்மைக்காலமாக ஹோட்டல் முகாமைத்துவம் தொடர்பாக பல்வேறு இலவசமான செயலமர்வுகள் நடாத்தப்பட்டமையும் குறிப்பிடத்தக்கது.