பொலன்னறுவை நகரின் எல்லைக்கிராமமான பள்ளித்திடல் முர்த்தலிய்யா அஹதிய்யா பாடசாலை மாணவர்களின் மீலாதுன் நபி விழா நிகழ்வுகள்.

புத்தளம் எம்.யூ.எம்.சனூன், கற்பிட்டி எம்.எச்.எம்.சியாஜ்

பொலன்னறுவை நகரின் எல்லைக்கிராமமான பள்ளித்திடல் முர்த்தலிய்யா அஹதிய்யா பாடசாலை மாணவர்களின் மீலாதுன் நபி விழா நிகழ்வுகள் அண்மையில் மிகவும் விமரிசையாக நடைபெற்றது. 

இந்நிகழ்விற்கு அஹதிய்யா மத்திய சம்மேளனத்தின் உப தலைவர் ஏ.எல்.எம்.அஸ்வர் பிரதம அதிதியாக கலந்து சிறப்பித்தார்கள். 

பொலன்னறுவை மாவட்ட ஜம்இய்யாவின் தலைவர் அஷ்ஷெய்க் எம்.எம். அலாவுதீன் (பலாஹி) மற்றும் பொலன்னறுவை மாவட்ட அஹதிய்யா பாடசாலைகளின் சம்மேளனத்தின் தலைவர் ஓய்வுபெற்ற அதிபர் என்.எம்.ஏ.மஜீத், உப தலைவர் ஓய்வுபெற்ற ஆசிரியர் அஷ்ஷெய்க் ஏ.சீ.எம். ஜௌபர் (ஷர்க்கி), பொலன்னறுவை மாவட்ட அனைத்து பள்ளிவாயல்கள் மற்றும் பொது நிறுவனங்களின் சம்மேளனத்தின் சிரேஷ்ட உறுப்பினர் ஓய்வு பெற்ற அதிபர் என்.எம். முகைதீன் பாவா உள்ளிட்ட பலரும் கலந்து சிறப்பித்தனர்.

மிகவும் அழகான முறையில் மாணவர்கள் பயிற்றுவிக்கப்பட்டிருந்தனர். பேச்சு, கவிதை, இஸ்லாமிய பாடல்கள், உரையாடல்கள் என்பன இனிதே நடைபெற்றன.

மூன்று அஹதிய்யா ஆசிரியர்களே இருந்தாலும் வெளி நாடுகளில் வாழும் உறவுகளின் உதவியோடும், கிராம முன்னேற்ற கழகம் மற்றும் பள்ளிவாயல் நிர்வாகங்கள், நலன் விரும்பிகள் அனைவரும் இணைந்து நிகழ்வை சிறப்பாக நடாத்தி முடித்தனர்.