அகில இலங்கை ஜம்இய்யத்துல் உலமா புத்தளம் நகரக் கிளையின் கடந்த கால, எதிர்கால திட்டங்கள் தொடர்பான கலந்துரையாடல்.

புத்தளம் எம்.யூ.எம்.சனூன், கற்பிட்டி எம்.எச்.எம்.சியாஜ்

அகில இலங்கை ஜம்இய்யத்துல் உலமா புத்தளம் நகரக் கிளையின் கடந்த கால செயற்பாடுகள் மற்றும் எதிர்காலத்தில் திட்டமிடப்பட்டுள்ள செயற்பாடுகள் என்பனவற்றை மீட்டிப் பார்ப்பதற்கான நிகழ்வொன்று புத்தளம் அநுராதபுரம் வீதியில் அமைந்துள்ள டீ.சி.பூல் வளாகத்தில் அண்மையில் (24) இடம்பெற்றது.

அகில இலங்கை ஜம்இய்யத்துல் உலமா புத்தளம் நகரக் கிளையின் தலைவர் அஷ்ஷெய்க் ஏ.பீ.ஜிப்னாஸ் (அல் மிஸ்பாஹி) தலைமையில் நடைபெற்ற இந்நிகழ்வில் அதன் நிர்வாக அங்கத்தவர்களான உலமாக்கள் யாவரும் கலந்து கொண்டனர்.

இந்நிகழ்வில் அகில இலங்கை ஜம்இய்யத்துல் உலமா புத்தளம் நகரக் கிளையின் ஊடாக அடுத்து வரும் ஒரு வருட காலத்தில் புத்தளம் சமூகத்துக்கு ஜம்இய்யா மூலமாக எவ்வகையான சேவைகளை வழங்க முடியும் என்ற பல திட்டங்கள் வகுக்கப்பட்டன.

15 குழுக்களின் ஊடாக செய்யப்படும் சமூகம் சார்ந்த பல விடயங்கள் இங்கு வெற்றிகரமாக வகுக்கப்பட்டு தீர்மானங்களும் நிறைவேற்றப்பட்டன.