கற்பிட்டி பிரீமியர் லீக் (கே.பி.எல்) கிரிக்கெட் போட்டிக்கான வீரர்கள் ஏலம்

(கற்பிட்டி - எம்.எச்.எம் சியாஜ்)

கற்பிட்டியில் வருடாந்தம் பிரமான்டமாக நடைபெறும் கிரிக்கெட் திருவிழாவான கற்பிட்டி பிரீமியர் லீக் (கே.பி.எல்) கிரிக்கெட் சுற்றுப் போட்டி எதிர்வரும் 2024 ஜனவரி மாதம் கற்பிட்டி அல் அக்ஸா தேசிய பாடசாலையின் விளையாட்டு மைதானத்தில் போட்டிகள் நடைபெற உள்ளது.

இச் சுற்றுப் போட்டிக்கு கற்பிட்டியில் உள்ள சகல கிரிக்கெட் கழகங்களிலும் உள்ள திறமையான விளையாட்டு வீரர்களைக் கொண்டு ஆறு அணிகள் ஆறு முகாமையாளர்களால்  உறுவாக்கப்பட்டு நிர்வகிக்கப்படும்.

அதன்படி எம்.என்.எம் முஆத் இன் முகாமைத்துவத்தின் கீழ் "பூம்ஸ்" அணியும் எம்.ஐ.எம் இஹ்லாஸ் இன் முகாமைத்துவத்தின் கீழ் "கங்காறூஸ்" அணியும் என்.எம் மஹீன் இன் முகாமைத்துவத்தின் கீழ் "மஹாசின்ஸ்" அணியும் எம்.எப்.எம் றியாஸ் மற்றும் ஸம்ஸம் இன்  முகாமைத்துவத்தின் கீழ் "றைசிங் ஸ்டார்" அணியும் எம்.எம் மில்ஹான் இன் முகாமைத்துவத்தின் கீழ் "எம்.டி.எம்" அணியும் கனிஷ்டன் இன் முகாமைத்துவத்தீன்  கீழ் "லியோ" அணியும் என ஆறு அணிகள் போட்டியிட உள்ளன.

இவ் அணிகளுக்கான  வீரர்களை ஏலத்தில் எடுக்கும் நிகழ்வு எதிர்வரும் 2023 டிசம்பர் மாதம் 08 ம் திகதி கற்பிட்டியில் இடம்பெற உள்ளது இவ் ஏலத்தில் கற்பிட்டியில் உள்ள சகல கிரிக்கெட் கழகங்களிலும் இருந்து தெரிவு செய்யப்பட்ட திறமையான 102 கிரிக்கெட் வீரர்கள் ஏலமிடப்படுவதுடன் ஒவ்வொரு அணிக்கும் 13 வீரர்கள் முகாமையாளர்களால் ஏலத்தின் மூலம் தேர்தெடுக்கப்படுவர் என்பதும் குறிப்பிடத்தக்கது.