பு/கடையாமோட்டை முஸ்லிம் மத்திய கல்லூரி மாணவி பௌசுல் ஸம்லத் ஸனா 9A சித்தி! மேலும் 74 மாணவர்கள் உயர் தரம் கற்க தகுதி!.

அண்மையில் வெளியான க.பொ.த. சாதாரண தரப் பரீட்சையில் புத்தளம் - தெற்கு கோட்டத்திற்குட்பட்ட கடையாமோட்டை முஸ்லிம் மத்திய கல்லூரி (தேசிய பாடசாலை) யில் பரீட்சைக்கு தோற்றிய 90 மாணவர்களுள் 75 மாணவர்கள் உயர் தரம் கற்கத் தகுதியைப் பெற்று 83.3% வீத சித்தியைப் பெற்றுள்ளதாக பாடசாலையின் அதிபர் எம்.எச்.எம்.தௌபீக் தெரிவித்தார்.

அந்தவகையில் பௌசுல் ஸம்லத் ஸனா என்ற மாணவி  9A சித்தியையும், ஸம்சுராபி பாத்திமா ஸாபியா மற்றும் முஹம்மது இக்பால் பாத்திமா நஸ்மின் ஆகியோர் 8A, B சித்தியையும், எம்.எச்.முஹம்மத் ஹம்தான் 8A, C சித்தியையும் பெற்றுள்ளனர்.

இதேவேளை சித்திபெற்ற மாணவர்களை பாடசாலையின் அதிபர், ஆசிரியர்கள்,பாடசாலை அபிவிருத்திச் சங்கம், கல்வி அபிவிருத்திக் குழு, பழைய மாணவர் சங்கம் ஆகியோர் வாழ்த்துக்களையும்,  பாராட்டுக்களையும் தெரிவித்துள்ளமை குறிப்பிடத்தக்கது.