புத்தளம் பிரன்ட்ஸ் நிறுவனத்தின் ஐந்து வருட வேலைத்திட்ட நிறைவு விழா

(கற்பிட்டி - எம்.எச்.எம் சியாஜ்)

புத்தளம் பிரன்ட்ஸ் நிறுவனம் கடந்த 2019 முதல் 2023 வரையான ஐந்து வருடங்களாக புத்தளம் மாவட்டத்தின் புத்தளம் மற்றும் வண்ணாத்திவில்லு ஆகிய பிரதேச செயலகங்களில் உள்ள 22 கிராம சேவையாளர் பிரிவில் உள்ள 25 சிறுவர் சங்கங்களின் ஊடாக தமது வேலைத்திட்டங்களை முன்னெடுத்து வருகின்றது. 

இதில் புத்தளம் பிரதேச செயலகத்தின் 10 கிராம சேவையாளர் பிரிவுகளில் உள்ள 14 சிறுவர் சங்கங்களின் ஊடாக மேற்கொள்ளப்பட்ட வேலைத்திட்டங்களின் ஐந்து வருட நிறைவு விழா எதிர் வரும் 2023/11/29 ம் திகதி புதன்கிழமை புத்தளம் மாவட்ட செயலக பிரதான கேட்போர் கூடத்தில்  பிற்பகல் 02 மணிக்கு புத்தளம் பிரன்ட்ஸ் நிறுவனத்தின் குழுத் தலைவி எம்.எப்.எப் சுபியானி மற்றும் நிகழ்ச்சி திட்ட உத்தியோகத்தர்  ஐ. அஸ்ரிக் ஆகியோரின்  இணைத் தலைமையில்  நடைபெறவுள்ளது.   

இந் நிகழ்வின் பிரதம அதிதியாக புத்தளம் மாவட்ட அதிபர் எச்.எம். எஸ். பி ஹேரத் அவர்களும் அதிதிகளாக புத்தளம் மாவட்ட உதவி அதிபர் கங்கானி கருநாரத்ன , புத்தளம் பிரதேச செயலாளர் எஸ் .பி  வீரசேகர , ப்ரன்ஸ் நிறுவன தலைவர் கே.ஏ. பந்துல விஜேசிங்க , புத்தளம் மாவட்ட அரச சார்பற்ற நிறுவனங்களின் இணைப்பாளர் வை. என். டி  கருணாதாச மற்றும் புத்தளம் நகர சபையின் செயலாளர் எல். பீ. ஜி. பிரீத்தீகா ஆகியோர் கலந்து சிறப்பிக்க உள்ளனர். 

மேலும்  இந்நிகழ்வில் சிறுவர் சங்கங்களின் சிறார்களே இன்றைய கதாநாயகர்கள் என்ற  அடிப்படையில் சிறுவர் சங்கங்களுக்கிடையில் இடம் பெற்ற கலைநிகழ்சியில் வெற்றி பெற்று  முதலாம், இரண்டாம், மூன்றாம் இடங்களை பெற்ற சிறுவர் சங்க சிறார்களுக்கு பரிசில்களும் சான்றிதழ்களும் வழங்கப்பட உள்ளதுடன் கடந்த ஐந்து வருடங்களாக சிறுவர் சங்கங்களை வழிநடாத்திய தொண்டர்களுக்கும் நினைவுச் சின்னங்கள் வழங்கி கௌரவிக்கப்பட உள்ளமையும் குறிப்பிடதக்கது.