புத்தளம் மாவட்ட சமாதான நீதிவான்கள், மதத்தலைவர்கள், மற்றும் சமூக ஆர்வலர்ளை கௌரவிக்கும் விழா.

புத்தளம் மாவட்ட சமாதான நீதிவான்கள், மதத்தலைவர்கள், மற்றும் சமூக ஆர்வலர்ளை கௌரவிக்கும் விழா புத்தளம் மாவட்ட சமாதான நீதிவான்கள் பேரவை ஏற்பாட்டில் 20/02/2020 ஆம் திகதி வியாழக்கிழமை கொழும்பு வீதி நாகவில்லில் அமைந்திருக்கும் "Whaite Receptio Hall" லில் மாகாண பணிப்பாளர் எம்.எஸ்.எம். முஸம்மில் தலைமையில் இடம்பெற்றது.

இந்நிகழ்வில் புத்தளம் மாவட்ட சமாதான நீதிவான்கள் பேரவையின்  தெரிவுக்குழு மூலம் தெரிவு செய்யப்பட்ட 130 சமாதான நீதிவான்கள் மற்றும் சர்வ மதத் தலைவர்கள், சமூக ஆர்வலர்கள் ஆகியோருக்கு  "Dr.C.W.W. கண்ணங்கரா-2020"  சமாதான நீதிவான்களுக்கான விருது வழங்கி கௌரவிக்கப்பட்டனர்.

இந்நிகழ்வில் பிரதம அதிதிகளாக, வன்னி மாவட்ட பாராளுமன்ற உறுப்பினர் காதர் மஸ்தான், புத்தளம் நகர முதல்வர் கே.ஏ.பாயிஸ், நகர சபை உறுப்பினர் அலிசப்ரி ரஹீம் புத்தளம் மாவட்ட காதி நீதிபதியும், பதில் நீதவானுமான ஏ.எம்.எம்.எஸ். அப்துல் காதர், மற்றும் நீர் வழங்கள் அமைச்சின் மேலதிக சிரேஷ்ட்ட செயலாளர் ஏ.ஆர்.எம். மலிக், சுங்க திணைகள பிரதிப் பணிப்பாளர் லுக்மான் ஆகியோர் கலந்து சிறப்பித்தனர்.

இந்நிகழ்வினை ஏற்பாட்டுக் குழு தலைவர் ஏ.சீ. ருமைஸ், மற்றும் புத்தளம் மாவட்ட சமாதான நீதிவான்களின் பணிப்பாளர் எச்.எம்.எம். ஷபீக் ஆகியோர் ஏற்பாடு செய்திருந்தனர்.