கடையாமோட்டை முஸ்லிம் மத்திய கல்லூரியில் பெண்கள் தொழுகை அறைக்கான அடிக்கல் நாட்டி வைப்பு

பு/கடையாமோட்டை முஸ்லிம் மத்திய கல்லூரியின் 92 வருட கால வரலாற்றில் குறைபாடாக காணப்பட்ட  பெண்களுக்கான தொழுகை அறையை அமைத்துத்தர ஹஸீப் நெய்னா மரிக்கார் முன்வந்துள்ளார். அதற்கான அடிக்கல் நாட்டும் வைபவம் இன்று 28/02/2020 ஆம் திகதி வெள்ளிக்கிழமை காலை கல்லூரியின் அதிபர் எம்.எச்.எம்.தௌபீக் தலைமையில்  இடம்பெற்றது.

இந்நிகழ்வில் முன்னாள் கல்பிட்டி பிரதேச சபை உறுப்பினர் எஸ்.எச்.எம். றபீக், பாடாசாலை அபிவிருத்தி சங்க செயலாளர் ஏ.எச்.எம். ஹாரூன், விஞ்ஞான அபிவிருத்தி குழு செயலாளர் சீ.எம்.தாவூத், ஆகியோர் கலந்து சிறப்பித்தனர்.

இந்நிகழ்வு கடையாமோட்டை முஸ்லிம் மத்திய கல்லூரியின் பெண்கள் மஜ்லிஸ் பிரிவானால் ஏற்பாடு செய்யப்பட்டிருந்தது என்பது குறிப்பிடத்தக்கது.